Туман ҳокими Улуғбек Зокиров раҳбарлигида таҳлилий-танқидий руҳда ўтказилган йиғилишда, барча йўналишидаги камчиликларни бартараф этиш борасида аниқ чора-тадбирлар режаси тузиб берилди. Шунингдек, аҳоли мурожаатларини ўрганиш, аниқланган муаммоларни бартараф этиш учун таклиф берилди. 

-Меҳнат фаолиятимиз давомида энг аввало тартиб-интизомга риоя этишга ва иш самарадорлигига эришишни ўз фаолиятимиздан бошлашимиз керак, -дейди туман ҳокими. -Шундагина ишимизда унум, белгиланган вазифалар ижросида сифат бўлади. Иш самарадорлигига эришишда  биргаликда бажарилган ишларимиз албатта ўз натижасини беради. 

Йиғилиш сўнггида туман раҳбари белгилаб берилаётган ҳар бир топшириқ ижроси қатъий назорат остида эканлигини, натижаси доимий ўрганилаётганлигини маълум қилди.