Туманимиздаги “Совжиронбобо” маҳалласида ташкил этилган “Оналар боғи”нинг очилиш маросимида вилоят ҳокими ўринбосари З.Хидирова, туман ҳокимларининг ўринбосарлари ва туманимиздаги маҳаллаларнинг хотин-қизлар фаоллари иштирок этишди. 

“Яшил макон” лойиҳаси доирасида ўтказилган “Оналар яшил макон учун” акцияси давомида мазкур боғга олма, нок, шафтоли сингари мевали кўчатлар экилди. 

-Табиатни, яшил оламни кўз қорачиғидек аcраш миллий қадриятларимизга хос бўлган одатдир, –дейди вилоят ҳокими ўринбосари З.Хидирова– Бугун Шўрчи туманида ташкил этилган “Оналар боғи”га ҳиссам қўшилганидан мамнунман.

Юртимизда яшил ҳудудларни ташкил этиш, маҳалла, кўча ва ҳиёбонларни кўкаламзорлаштириш бўйича хайрли ишлар давом этмоқда.