-Туман ҳокимимиз ташаббуси ва бошчилигида маҳалламиздаги кўп қаватли уй-жойларни атрофини тозалаш, ободонлаштириш ва кўкаламзорлаштириш ишлари бошланди, - дейди Лола Ҳасанова. – Фуқароларимизни яхши яшаши учун қиланаётган ушбу юмушларга ўзимиз ҳам яқиндан кўмаклашамиз. Кўп қаватли уй-жойларимиз атрофига хушбуй райхон ва атиргул кўчатларини ўзимиз эканмиз. 
     Дарҳақиқат, ташаббуснинг қаноти бор дейишганидек, туман ҳокими Улуғбек Зокировнинг ташаббуси қўллаб-қувватланди. Туманимизнинг 4-сектор худудида жойлашган “Хайрабод” маҳалласидаги 10-, 11-, 12-кўп қаватли уй жойларни жорий ва мукаммал таъмирлаш, ободонлиштириш ишларини амалга ошириш учун ишчи гуруҳ тузилиб, кўп қаватли уй жойларнинг кириш йўлаклари, ташқи фасат қисми ва атрофини кўкаламзорлаштириш ишлари бошланди.