Ҳаётда яшар эканмиз, тўғри йўлдан юриб, жамиятга, оиламизга нафимиз тегадиган, фарзандлари учун намунали инсон бўлишга интиламиз, ҳаракат қиламиз.

Шўрчи тумани ИИБ ЖХХ Пробация гуруҳи ҳисобида жазо муддатини ўтаб келаётган шахсларни бандлигини таьминлаш мақсадида, вилоят прокуратурасининг ташаббуси билан “ишга марҳамат” меҳнат ярмаркаси ташкил этилди.

Меҳнат  ярмаркасида  60 нафар пробация гуруҳи ҳисобида турган фуқаролар иштирок этиб, ишга йўлланма олишди. Қолаверса, ўзлари қизиққан маълумотларга эга бўлишди. 

Албатта, ҳаётда тўғри касб танлаш муваффақиятли келажакнинг гаровидир. Чунки, инсоннинг аксарият вақти иш жараёнларида ўтади. Шу сабабдан ҳам киши ўзи учун севимли ҳунарни ўрганиши, ўзи ёққан касб билан шуғулланиши керак.