Фарруҳ Норчаев 2-спорт мактабининг Муай-тай йўналиши бўйича сабоқ олади. Устози Хусан Тешабоевдан Муай-тай йўналишидаги усулларни қунт билан ўрганган Фарруҳ Тайландда ўтказилган Жаҳон чемпионатида иштирок этиб, ғолибликни қўлга киритди. 

Кураш бўйича мураббий Зафар Фармоновнинг шогирди Алихон Нодиров эса Эронда ўтказилган Халқаро турнир ғолиби бўлди.

Туманимизнинг Ёшғайрат маҳалласидаги 2-спорт мактабида малакали мураббийларнинг эпчил ва чаққон шогирдлари спорт ареналарида ғолибликни қўлга киритиб, давлатимиз байроғини юксакликда хилпирашига, мадҳиямиз куйланишига хизмат қилишмоқда. 

-Ёшларнинг бўш вақтида спортнинг барча йўналишарида сабоқ олишларин учун мактабимизда барча шароитлар яратилган, - дейди мактаб директори Собир Аширматов. – Ёзги таътилда ҳам устоз мураббийларимиз спортсевар болаларга машғулотлар ўтишди. Янги ўқув йилида ҳам ёшларнинг машғулотларда фаол иштирок этиб, мусобақаларда фаол иштирок этишлари, ғолиб бўлишлари учун ҳаракат қиламиз.

Ўқувчилари мусобақаларда ғолиб бўлган бир гуруҳ мураббийлар туман ҳокимлиги томонидан ташаккурнома ва эсталик совғалари билан тақдирланишди. Албатта, эътибор иш унумдорлиги, фаолият самарадорлигига хизмат қилади.