“Alfa Geniy” ўқув марказида таҳсил олаётган Зарина Хасанова, Заҳро Абдуллаева Шохиста Ботирова ментал арифметика бўйича Республика чемпионатида олий ўринни қўлга киритиб, Қозоғистон Республикасидаги олимпиадага иштирок этиш йўлланмасини қўлга киритишди.

Ёшларни келажакка таёрлаб бориш, уларни ҳар томонлама билимга эга бўлиши, нафақат назарий билимлар, балки амалай машғулотларда ҳам фаол бўлиши келажак учун муҳим омил ҳисобланади.

“Alfa Geniy” ўқув маркази туманимизда ягона бўлган болалар ўқув маркази 3 йилдан буён фаолият юритиб келмоқда. 150 нафар ўқувчи ёшлар дарсдан бўш вақтида ўқув марказига келиб, инглиз тили, рус тили, математика, ментал арифметикани ўрганиш билан бирга  Президент мактабларига тайёрлов курсларида таҳсил олишмоқда. 

-Ўқув марказимиз 5 нафар олий маълумотли мутахассислар фаолият юритмоқда, - дейди марказ раҳбари Ҳуснора Раҳматуллаева. – Ўқувчиларимиз ҳам билимга чанқоқ. Имконимиз борича уларнинг билим кўникмаларини оширишга ҳиссамизни қўшяпмиз.