#Янги йил яқин

Қайси бир болажон билан суҳбатлашманг, уларнинг ўзгача завқ билан "Янги йил байрамини интиқиб кутамиз. Айниқса, менга қорбобо ва қорқиз жуда ҳам ёқади. Шеър, қўшиқ, рақс ижро этиб берсам, совға ҳам беришади” деган гапига гувоҳ бўласиз. 

Ҳақиқатдан ҳам янги йил болажонларимизга ўзгача қувонч бағишлайди. Шўрчи туманидаги 2-мактабгача таълим ташкилотида "Янги йил мўъжизаси" номли байрам тадбири ташкил этилди.

-Янги йилга бағишлаб ўтказилган байрам тадбиримиз болажонлар учун беғубор орзу-умидлар шодиёнасига айланади, -дейди ташкилот раҳбари Саодат Шарофиддинова. - Айниқса, қорбобо ва қорқиз, эртак қаҳрамонларининг чиқишлари бодажонларнинг шеър, қўшиқ ва рақсига уланиб кетди. 

Кириб келаётган янги 2025 йил муборак бўлсин!