Байрам тадбирида Қорбобо, Қорқиз ҳамда турли эртак қаҳрамонлари иштирокидаги театрлаштирилган томошалар, ижро этилган куй ва қўшиқлар барчага байрамона кайфият улашди. 

– “Президент арчаси” байрам тадбири менга ва дўстларимга бир олам қувонч бағишлади, – дейди тадбир иштирокчиси Ардашер Авазов. – Бизга шундай чиройли байрамлар ўтказиб бераётган, ажойиб совғалар тақдим этаётган Президент бобомизга раҳматлар айтамиз.

Болажонларга олам-олам қувонч бағишлаган ушбу тантанада турли ширинликлар ва ўқув қуролларидан иборат Президент совғалари болажонларга топширилди.