Дониёр Тошмирзаев туманимизнинг “Боботоғ” маҳалласида яшайди. Имконияти чекланган бўлишига қарамай, 17 ёшли Дониёр спортнинг таэквандо тури билан мунтазам шуғулланиб келади.

Ёш авлоднинг жисмоний тарбия ва спорт билан мунтазам шуғулланиши учун замонавий шарт-шароитлар яратилмоқда. Ёшларда спорт мусобақалари орқали ўз иродаси, кучи ва имкониятига бўлган ишончни мустаҳкамлаш, мардлик, жасурлик, Ватанга садоқат туйғуларини камол топтиришга алоҳида эътибор қаратилмоқда. 

 Дониёр Тошмирзаев Россиянинг Уфа шахрида ўтказилган халқаро сурдоолимпиядачилар ёзги ўйини мусобақасида спортнинг таэквандо йўналиши бўйича иштирок этди.

Мусобақа давомида бор маҳорат ва имкониятини намоён эта олган Дониёр Тошмирзаев 3-ўринни қўлга киритиб, бронза медалининг соҳибига айланди.